სამყარო მუდმივად ვითარდება და სიახლეებს გვთავაზობს. თანამედროვე მოწყობილობების გარეშე ცხოვრება ფაქტობრივად წარმოუდგენელი ხდება. პორტატული ელექტროსადგური კი ერთ-ერთია მათ შორის, რომელიც ცხოვრებას უფრო კომფორტულს, მოსახერხებელსა და სასიამოვნოს ხდის. საკუთარი ენერგო დამოუკიდებელი პორტატული ელექტროსადგურით შეძლებთ დაგეგმოთ მოგზაურობა დამატებითი დაბრკოლებების გარეშე, იცხოვროთ ტრადიციული დენის ქსელისგან სრულიად დამოუკიდებლად ან პორტატული სადგური ტრადიციულ ელექტროენერგიასთან კომბინაციაში გამოიყენოთ, ასევე უარი თქვათ საწვავზე მომუშავე ხმაურიან გენერატორზე. ჩამოთვლილი მიზეზები საკმარისია, რომ დარწმუნდეთ, პორტატული ელექტროსადგურის ყიდვა მართლაც ერთ-ერთი საუკეთესო გადაწყვეტილებაა. მისი ფუნქციებისა და უპირატესობების უკეთესად გაგებაში, ასევე კონკრეტული მოდელის შერჩევაში საქართველოში EcoFlow-ს ოფიციალური წარმომადგენლის Copter Tech-ის დირექტორი თეონა ჩაჩუა დაგვეხმარება.
– რა არის პორტატული ელექტროსადგური?
– პორტატული ელექტროსადგური არის სარეზერვო კვების ელემენტი, რომელიც იტენება უმოკლეს დროში დენზე, მზის პანელიდან და მანქანაში, შემდეგ კი ელექტროენერგიით გვამარაგებს საათებისა და დღეების განმავლობაში. ის არის ენერგო დამოუკიდებელი მოწყობილობა, რომლის გამოყენებაც სხვადასხვა მიზნით არის შესაძლებელი. ენერგიის მიწოდების დროს კი არის სრულიად უხმო და არ გამოყოფს გამონაბოლქვს.
– როგორ შეიქმნა EcoFlow-ს პორტატული ელექტროსადგურები, რომლებიც დღეს სხვადასხვა კონტინენტზე მოწინავე პოზიციას იკავებენ?
– EcoFlow 2017 წელს შეიქმნა და მოკლე პერიოდში მოახერხა, ბაზრის მოწინავე პოზიცია დაეკავებინა მძაფრი კონკურენციის მიუხედავად. კომპანია გახლავთ ამერიკულ-ჩინური და ის DJI-ს ყოფილი ინჟინრების გუნდმა ჩამოაყალიბა. EcoFlow-ს მისიაა, შექმნას ელექტროენერგიის მიღების ინოვაციური საშუალება, რომელიც იქნება პატარა და მსუბუქი, თუმცა ეკოლოგიურად სუფთა, უხმო და მისი გამოყენება ხანგრძლივად იქნება შესაძლებელი.
EcoFlow-მ ძალიან დიდი გადატრიალება მოახდინა პორტატული ელექტროსადგურების მიმართულებით, რადგან ბაზარზე კონკურენტებზე უკეთესი პროდუქტით გამოჩნდა. ეს შეფასება სრულიად ობიექტურია და ის სხვადასხვა კრიტერიუმით განისაზღვრება. მათ შორისაა: ეფექტურობა, გამძლეობა, მოსახერხებლობა.
EcoFlow-მ შეძლო და ყველაზე მძლავრი პორტატული სადგური DELTA Pro გაიტანა s Kickstarter’s-ის დაფინანსების პორტალზე. მან რეკორდი მოხსნა, როგორც ყველაზე დაფინანსებულმა ტექნიკურმა პროექტმა. 2 თვიანი კამპანიის შედეგად მათ მიიღეს $12 მილიონიანი ქრაუდფანდინგი. EcoFlow-ს ხშირად Unicorn კომპანიას უწოდებენ, რადგან ძალიან მოკლე პერიოდში იქცა წამყვან კომპანიად.
– მოგვიყევით EcoFlow-ს უპირატესობებზე, რომლებიც მას კონკურენტებისგან გამოარჩევს
– ბრენდმა ბაზარზე ორი სრულიად ახალი, დაპატენტებული ტექნოლოგია შემოიტანა. ეს გახლავთ X-Boost და X-Stream.
X-Stream ნიშნავს, რომ ყველაზე მძლავრი მოდელიც კი 0-80%-მდე იტენება 1 საათში. ეს ძალიან დიდ შესაძლებლობას სთავაზაობს მომხმარებლებს როგორც ინდივიდუალური, ისე ბიზნეს მოხმარებისთვის. სწრაფი დატენა ნიშნავს, რომ სტაბილური და მძლავრი ენერგიის მიღება უმოკლეს დროშია შესაძლებელი. მოწყობილობა სრულად დაცულია გადატვირთვისგან, შესაბამისად მომხმარებელს შეუძლია მისი შეერთება და დატოვება.
რაც შეეხება X-Boost-ს, ის შესაძლებლობას გვაძლევს, რომ პორტატულ ელექტროსადგურზე დავაერთოთ იმაზე უფრო მძლავრი ელექტრომოწყობილობა, ვიდრე კონკრეტული მოდელის რეკომენდებული ზღვარია. მაგალითად, EcoFlow-ს 600 ვატიან სადგურს შეუძლია 1800 ვატამდე ენერგია გამოყოს, რაც საშუალებას გვაძლევს დროის მოკლე მონაკვეთში უსაფრთხოდ ვამუშავოთ მძლავრი მოწყობილობები.
EcoFlow მაქსიმალურად მომხმარებელსა და მის კომფორტზე მორგებული ბრენდია. მოწყობილობებს აქვს სხვადასხვა ტიპის აუთფუთი და მათ შორის, დენცქვიტა, რომ მომხმარებელმა დამატებითი გადამყვანების გარეშე შეძლოს მრავალფეროვანი მოწყობილობების შეერთება. მას აქვს ეკრანი, რომელზეც ნახავთ ინფორმაციას, თუ რამდენს მოიხმარს დაერთებული მოწყობილობა, რამდენი ხანს შეძლებს ამ მოწყობილობისთვის ენერგიის მიწოდებას, დასატენად რამდენი დრო სჭირდება და სხვა. ასევე სხვა კონკურენტებისგან განსხვავებით, EcoFlow-ს აქვს აპლიკაცია, რომელიც მისი დისტანციურად მართვის საშუალებას იძლევა.
ძალიან დაცული მოწყობილობაა და არათანაბარ დენზე დაერთების დროს თვითონ აკონტროლებს სიმძლავრეს. ნებისმიერ სენსიტიურ მოწყობილობას, რომელსაც სტაბილური დენი სჭირდება, მასზე უპრობლემოდ შეაერთებთ.
ის შეგიძლიათ დატენოთ როგორც დენზე, ისე მზის პანელებით და ავტომობილში. სხვებთან შედარებით ბევრად დიდია EcoFlow-ს მოხმარების ციკლი. მაგალითად, ყველაზე მძლავრი ელექტროსადგურის LFP ელემენტის მოცულობა ჩამოდის 80%-მდე 3 600 დატენვის შემდეგ, ხოლო 50%-მდე – 6 000 დატენვის შემდეგ.
მომხმარებელს საუკეთესო საგარანტიო პირობებსაც ვთავაზობთ, რადგან ქვეყანაში ბრენდის ოფიციალური წარმომადგენლები ვართ.
– ვისზეა გათვლილი პორტატული ელექტროსადგურები? EcoFlow-ს მომხმარებლები ძირითადად რა მიზნით ყიდულობენ მას?
– ბრენდი დაარსებიდანვე სხვადასხვა სეგმენტზე მუშაობს. პროდუქტი იმდენად სრულყოფილი და მოსახერხებელია, რომ მას მრავალფეროვანი მიზნებით იყენებენ. EcoFlow-ს ორი სერია აქვს: River და Delta.
River სერიის სხვადასხვა მოცულობის მოდელები გათვლილია მოგზაურებისთვის, კემპინგის მოყვარულებისთვის. ისინი შედარებით მცირე და მსუბუქია, თუმცა სხვადასხვა ელექტრომოწყობილობის დაერთების შესაძლებლობას იძლევა. მზის პანელებიც, რომლითაც River ელექტროსადგურები იტენება, შედარებით კომპაქტური და გადასაადგილებლად მარტივია. მას აქვს ინტეგრირებული ფანარიც, რაც მოგზაურებს განსაკუთრებით მოსწონთ.
Delta ინდუსტრიული მიმართულებაა და შეუძლია საკმაოდ მძლავრი მოწყობილობები დატენოს და ამუშაოს. მას ხშირად იყენებენ სხვადასხვა ბიზნესის წარმომადგენლები. ინტენსიურად გამოიყენება სამშენებლო სფეროში.
Delta სერიის პორტატული ელექტროსადგურები ასევე ძალიან მოსახერხებელია კერძო სახლის მფლობელებისთვის თბილისსა თუ ქალაქგარეთ.
ამ ეტაპზე ჩვენთან Delta სერიის მოწყობილობები უფრო მეტი იყიდება. მეტი ადამიანი ხვდება, რომ კომფორტი, რომლის შექმნაც მას კერძო სახლის მფლობელებისთვის შეუძლია, დაუფასებელია. River სერიას კი ძირითადად ყიდულობენ უცხოელები, რომლებიც საქართველოში მანქანით მოგზაურობენ. საზღვარგარეთ პორტატულ ელექტროსადგურებს უკვე კარგად იცნობენ და მისი საჭიროების შესახებაც იციან. სწორედ ამიტომ არიან ჩვენი მომხმარებლების დიდი ნაწილი უცხოელები. თუმცა იმედი გვაქვს, რომ საქართველო ამ მიმართულებით მალე განვითარდება და ინტენსიურად მიმართავს მდგრად და გარემოსთვის უსაფრთხო ენერგიის წყაროს.
– რა ღირს EcoFlow-ს პორტატული ელექტროსადგურები?
– EcoFlow მომხმარებელს საკმაოდ ფართო ასორტიმენტს სთავაზობს. ყველაზე დაბალბიუჯეტიანი ელექტროსადგური 1 150 ლარი ღირს, ყველაზე დიდი სიმძლავრის კი – 14 000 ლარი. სექტემბერში უკვე ოფიციალურად წარვადგენთ სტაციონარულ ელემენტებს, რომლის საშუალებითაც უფრო ბიუჯეტურად იქნება შესაძლებელი ისეთი სახლების დამოუკიდებელი ელექტროენერგიით უზრუნველყოფა, რომელშიც ტრადიციული ელექტროენერგია საერთოდ არაა. მათზე საკმაოდ მძლავრი მზის პანელების დაერთებაც შესაძლებელია.
მომხმარებელს კონკრეტული მოდელის შერჩევაში მისი ინდივიდუალური საჭიროებებიდან გამომდინარე ვეხმარებით. მათ განვადებასაც ვთავაზობთ როგორც ჩვენი ონლაინ მაღაზიის, ისე სხვადასხვა ჰიპერმარკეტის საშუალებით. ამ ეტაპზე EcoFlow-ს შეძენა შესაძლებელია შემდეგ ჰიპერმარკეტებში: Bricorama, Carrefour (თბილისი მოლი), Smarter და E-Space. ჩვენი ონლაინ მაღაზიის პარალელურად მოწყობილბებს შეიძენთ შემდეგ პლატფორმებზე: Zoommer.ge, OnOff.ge, Isurve.ge
– პორტატული ელექტროსადგურის გაქირავების სერვისიც ხომ არ გაქვთ?
– გაქირავების სერვისი ახლახან შევთავაზეთ მომხმარებელს. ქართული ბაზრისთვის პორტატული ელექტროსადგური ახალი პროდუქტია, ამიტომ მნიშვნელოვანია, რომ ის პრაქტიკაში ნახონ, შეამოწმონ, რამდენად აკმაყოფილებს მათ მოთხოვნებს და ისე მიიღონ ყიდვის გადაწყვეტილება. სწორედ ამიტომ გადავწყვიტეთ გაქირავების სერვისის შეთავაზება.
– რას ურჩევთ მათ, ვინც EcoFlow-ს პროდუქციის შეძენას აპირებს?
– ეს საუკეთესო გადაწყვეტილებაა. ვურჩევ, კარგად განსაზღვრონ ის საჭიროებები, რისთვისაც პორტატულ ელექტროსადგურს გამოიყენებენ. შემდეგ კი შესაბამისი მოდელის შერჩევაში ჩვენ დავეხმარებით.
ჩვენთვის მნიშვნელოვანია, რომ საზოგადოებამ კარგად გააცნობიეროს, რამდენად მნიშვნელოვანია იყო ელექტრო დამოუკიდებელი და ამავდროულად, გარემოზე მიყენებული ზიანი მინიმუმამდე შეამცირო. EcoFlow-ს გამოსაყენებლად აუცილებელი არაა, რომ სახლში დენი არ გქონდეს. შეიძლება ის კომბინაციაში გამოიყენო ტრადიციულ ელექტროენერგიასთან და ამით შეამცირო როგორც ყოველთვიური კომუნალური გადასახადი, ისე გარემოზე ზიანი. გრძელვადიან პერსპექტივაში პორტატული ელექტროსადგური ძალიან გონივრული შენაძენია ტრადიციულ გენერატორებთან შედარებით.
