უფრო მძლავრი, უფრო სწრაფი, უფრო მოსახერხებელი, უფრო ხანგრძლივად სიცოცხლისუნარიანი – ეს EcoFlow-ს ახალი მოდელი DELTA 2–ია. ახალი თაობის პორტატული ელექტროსადგურის წარდგენა და განახლებადი ენერგიის ტექნოლოგიების ფესტივალი თბილისში, “ორბელიანის ბაზრის“ მიმდებარედ სასტუმრო Bazzar-ში კომპანია “კოპტერ ტექის“ ორგანიზებით გაიმართა. “კოპტერ ტექი“ გახლავთ EcoFlow–ს ექსკლუზიური წარმომადგენელი საქართველოში.
ღონისძიებაზე მისული სტუმრებისთვის გაიმართა სპეციალური პრეზენტაცია განახლებადი ენერგიის ტექნოლოგიესა და EcoFlow-ს პროდუქტების, მათი შესაძლებლობების შესახებ. პრეზენტაციის შემდეგ კი ნებისმიერ დაინტერესებულ ადამიანს შეეძლო თავად გამოეცადა პორტატული ელექტროსადგურების შესაძლებლობები და მიეღოთ დეტალური ინფორმაცია კონკრეტული მოდელების შესახებ. ღონისძიების ფარგლებში გაიმართა გათამაშებებიც, რომლის გამარჯვებულებმაც არაერთი საინტერესო საჩუქარი, მათ შორის, პორტატული ელექტროსადგურები და დრონები მიიღეს.
ახალი მოდელი DELTA 2 მომხმარებელს პორტატული ელექტროსადგურების სრულიად ახალ შესაძლებლობებსა და სტანდარტებს სთავაზობს.
DELTA 2 წინა მოდელთან შედარებით 7-ჯერ უფრო სწრაფად ტენის მოწყობილობებს. თავადაც ძალიან სწრაფად იტენება. სხვა მოდელებისგან განსხვავებით, 0%-დან 80%-მდე იტენება მხოლოდ 50 წუთში, 100%-მდე კი 80 წუთში. Ecoflow Delta 2 არის ყველაზე სწრაფად დატენადი სადგური, რომელიც შექმნილია LiFePO4 (LFP) ელემენტით. ეს გულისხმობს მის ძალიან ხანგრძლივ სიცოცხლისუნარიანობას. 3000-ჯერ დატენის შემდეგ DELTA 2-ის ტევადობა ჩამოვა 80%-მდე, ხოლო 50%-მდე 6000 დატენის შემდეგ. DELTA 2-ს შეუძლია ერთდროულად 15-მდე მოწყობილობა დატენოს. ის უზრუნველყოფილია Wi-Fi და Bluetooth კავშირით.
“კოპტერ ტექის“ თანადამფუძნებლისა და დირექტორის თეონა ჩაჩუას განმარტებით, Ecoflow-ს ახალი პორტატული სადგურები ეტაპობრივად ცნობადი და მოთხოვნადი ხდება.
“Ecoflow არის კომპანია, რომელიც გვთავაზობს დენის წყაროსა და ეკომეგობრულ დანადგარებს ნებისმიერ ადგილას, ნებისმიერ სიტუაციაში ნებისმიერი ადამიანისა თუ ბიზნესისთვის. ეს გახლავთ შედარებით ახალი კომპანია, რომელმაც დიდი კონკურენცია გაუწია ბაზარზე არსებულ მრავალწლიანი გამოცდილების მქონე კომპანიებს. ვამაყობ, რომ საქართველოშიც ნელ–ნელა მივდივართ მომავლისკენ, რომელიც არის მწვანე და მაქსიმალურად ეკომეგობრული. როდესაც Ecoflow შემოვიყვანეთ ქართულ ბაზარზე, პორტატული ელექტროსადგურების მნიშვნელობა ჩვენი საზოგადოებისთვის სრულიად უცხო იყო. პირველივე დღიდან აქტიურად დავიწყეთ არსებული და პოტენციური მომხმარებლების ცნობიერების ამაღლება. ახლა უკვე გვყავს უამრავი კმაყოფილი მომხმარებელი, რომელიც იყენებს Ecoflow-ს სარეზერვო კვების ელემენტებსა და მზის პანელებს როგორც ყოველდღიურ ცხოვრებაში, ასევე ისეთ საქმიანობებში, როგორიცაა: კომერციული ბიზნესები, მედია ფროდაქშენი, სამთავრობო უწყებები, მრეწველობა, ტურიზმი, ღონისძიებების მართვა და სხვა,“ – აცხადებს თეონა ჩაჩუა.
ამ ეტაპზე EcoFlow–ს პორტატული ელექტროსადგურების შეძენა შესაძლებელია “კოპტერ ტექის“ როგორც ფიზიკურ, ისე ონლაინ მაღაზიაში. პროდუქტი ასევე ხელმისაწვდომია შემდეგ ჰიპერმარკეტებში: Bricorama, Carrefour (თბილისი მოლი), Smarter, E-Space და ონლაინ პლატფორმებზე: Zoommer.ge, OnOff.ge, Isurve.ge
